Asa

 Meu Buleun Tanggoeh Laboeh Bah Tera

Pajan Keuh Masa Pukat Meu Asé

Sabe Meungieng Jeum Meu Bileung Angka

Akan Nyoe ASA Pajan Keuh Sampe

Pajan Ta Dayoeng Aroeng Samudra

Saboeh Bahtera Kinet Ngoen Supe

Lagée Umpama Rama Ngoen Sinta

Hudep Beu Sama Sampoe A'n Mate

Sama Ta Papah Ta Ilah Daya

Susah Ngoen Subra Dak Jeut Bek Crèe Brèe

Hudep Si Tampoeng Tangloeng Permata

Si Umu Masa Bekna Lam Pake

Beu Saboeh Jalan Saban Keunira

Hai Dek Umpama Sente Ngoen Patre

Saban Meu Peutrang Ruang Gulita

Meu Sigo Mala Bak Hak Beu Sabe

Intan Ku Dangdi Seujoli Jiwa

Gata Laksana Darah Lam Hate

Akan Nyoe Tuboeh Lusoeh Anggota

Siat Sang Hana Nafa'h Sang Reule

Tabi Hai Dek Cut Bacut Peunawa

Mangat Bek Mala Raga Meu Gulée

Ngat Teuka Senang Abang Erlangga

Di Nanggroe Luwa Bak Mita Rp

Lewat Nyoe Jangeun Bayeun Keumala

Hakikat ASA Cuba Peu Lahée

Kiban Ka Peunoeh Meusunoeh Hampa

Ingat Keu Jumba Pajan Meu Asèe

Grak Gruuk Su Reudok Meu Tumpok Luka

Ujeun Koep Raya Bungka Bak Pade

Jaweub Hai Intan Peusan Bg Raja

Ci Gareh Pena Balah Neu Dek Te

Elang Erlangga Elang