Sabe Teu Ingat Teu Bayang Bayang

Uroe Ngoen Malam Sabe Di Mata

Bak Sion Gamba Gata Lon Pandang

Sebagoe Peudoman Peu Puleh Lara 

Indah Di Puncak Lagak Meu Halang

Ijoe Ta Pandang Oen Kaye Yang Muda

Loen Harap Gaseh Ta Seume Sayang

Beu Ex Loen Gapai Ta Aroen Bahtera

Syang Keu Gatacit Ka Meu Labang

Krie Beurang Kaban Tetap Loen Jaga

Malam Teu Lumpo Uroe Lam Bayang

Dak Meujeud Rijang Meu Sapat Dua

Ranup Si Tangke Ngon Bungong Lawang

Dak Jeud Beu Rijangloen Ba Keu Gata 

Supaya Bek Ragukeu Loen Ta Bimbang

Nak Senang Intan Hubungan Tanyo Jaga 

Nibak Ayah Pomalaju Loen Peutrang

Bahwa Loen Tuan  Meuheut Keu Gata

Nibak Buleun 11tungku Troh Datang

Ue Rumoeh Intanpeu Teunte Haba 

Walau Pun Jinoejioeh Lam Bayang

Sinoe Shah Alamnanggroe Malaya

Semoga Gasehbek Sampe Leukang

Sama Ta Halanggaseh Tanyo Jaga

Papy Muda II

 Seuneulhoh Bintang Meubayang Reude

Awan Peu Pangke Buleun Di Manyang

Angen Yang Bapot Kabot Peulaye

Bungoeng Sikumbe Dua Sikarang

Pakon Jeut Luroh Lusoh Goh Wate

Awai Masam Be Seugohlom Keumang

Sampoe An Putik Meutijik Laye

Meusiprek Rande Kuntom Teuleukang

Sayang Bit Sayang Malang Teuraje

Harom Di Kumbe Meugantoe Reuhang

Meukarna Udep Ayep Peulale

Meulewat Wate Hanjeut Teu Ulang

Sia Bit Sunggoh Runtoh Ban Bade

Jiwa Teutipe Sabe But Angan

Kayem Lam Salah Tingkah Jeut Wate

Sigudang Pangke Teuka Seusalan

Yang Jeut Tok Jinoe Teumoe Lam Jure 

Badan Ka Lape Wap Iman Leukang

Kahabeh Gadoh Yang Jroh Teupeurle

Meubalot Pure Mahkota Garang

Rugoe Ta Paban Badan Yang Kabre

Ayep Teuseume Ceumarot Alam

Sang Bumoe Tulak Ka Glak Dicombe

Hanyot Ie Bame Wate Peuleukang

Yahwa Muda

 Meunoe Hai Mona Nyoe Hana Rp

Malam Han Meure Meunan Chit Uroe

Sabe Bang Radja Keurja Hana Pre

Soal Jak Jj Meuah Cut Putroe

Kon Dek Han Galak Jak Jak U Pante

So Han Syo Hate Wet Wet Oh Uroe

Tapi Nyoe Tan Peng Reuneng Bohate

Meusikrak Tempe Hana Ngon Peu Bloe

Seubab Di Aduen Baluem Thoe Sabe

Takheun Ju Kere Bahsa Awak Nyoe

Beda Ngon Gata Hai Jumpa Pade

Aneuk Di Toke Ayah Teuh Meusoe

Bek That Ta Paksa Kakanda Sabe

Takot Troh Dige Roh Lon Kap Igoe

Roh Lon Tiek Handok Dek Eok Kah Ku Cre

Bek Lah Troh Sampe Yang Meunan Bagoe

Saba Dek Bacut Nyoe But Rap Hase

Jikheun Le Toke Meunoe Dek Baroe

Nyoe Ka Seuleusoe But Droe Ka Ok

Cuti Kamoe Bre Dua Ploh Uroe

Gaji Keu Nam Blah Ji Tamah Take

Bak Sang Na Rupe Meu Saboh Motoe

Tiket Hai Dek Eok Dijok Ngon Jj

Jadeh Ta Surve U Luwa Nanggroe

Dumpu Jeut Lake Wate Nyan Sampe

Baje Ngon Hp Sila Tajak Bloe

Tabloe Ngon Budak Cilak Ngot Kece

Mangat Diture Supoe Sambinoe

Yahwa Muda 

Peut Perkara Hai Saudara Barang Teunte

Cit Ka Mutlak Han Pat Tulak Ta Peugese

Deungoe Jinoe Hai Rakan Droe Ulon Bi The

Ngoen Neutepeu Kiban Miseu Peut Lam Ruengkhe

Awai Kisah Nibak Langkah Ta Teuraje

Ho Yang Tajak Ayoen Tapak Allah Yang The

Jioh Ngoen Toe Beurang Kahoe Jeut Ta Gese

Namun Pasti Le Ilahi Yang Peu Teunte

Keu Raseki Bak Azali Meunan Lage

Yang Keu Dua Bak Peukara Antara Lhe

Leu Ngoen Bacut Oleh Makbut Sidroe Yang Ple

Tanyoe Hamba Ta Useha Sagai Bek Bre

Keu Salasah Wahe Sahbah Atau Keu Lhe

Keu Ngoen Udep Awai Ngoen Trep Geu Peteunte

Miseu Judoe Ka Geu Atoe Awai Dile

Ka Lheuh Janji Ngoen Ilahi Yang Toh Kumbe

Peut Yang Akhe Soal Mate Tuboh Laye

Tan Soe Tujan Sampe Pajan Han Ek Mete

Pajan Tanggoh Oleh Tuboh Hana Jithe

Geu Cok Pulang Jasad Badan Jeut Keu Abe

Maka Ingat Ngat Seulamat Bungong Jambe

Hudep Tanyoe Dalam Bumoe Siat Wate

Pubut Suroeh Ta Peujioh Yang Broek Lage

Mita Amai Nyan Keu Pangkai Peutapangke

Yahwa Muda  

Salam A'laikum Saleum Phon Lon Joek

Jame Yang Bantroek  Lam Mideun Rika

Bandum Lon Sapa Apa Ngoe Atok

Manyak Ngoe Rayek Tuha Ngoe Muda

Gagah Ta Kalon Si Cicem Toek Toek

Baje Yang Di Soek Han Tom Di Tuka

Meuchen Bak Kaca Kata Lon Antoek

Kisah Ulon Roek Meugulam Luka

Ceudah Ngoe Mamehrumeh Phon Bantroek

Sang Madu Lam Ploek Wate Lon Rasa

Meunan Ibarat,Haba Neu Peujoek.

Bak Loen Neupetroek Wahe E Kanda

Bulen Puasa  Meukat Aneuk Joek

Ureng Peh Tak Toek Ban Saoe Teuka

Hate Lon Seunang Wahe Cut Bg Eok

Gaseh Neupeu Soek  Puteh Lam Dada

Paken Jeut Dudoelaen Asoe Ploek

Madu Yang Neu Joek Rasa Nyeum Tuba

Neu Pulang Gaseh Tamse Kreeh Oek

Male Uloen Soek Sampoe An Tuha

Sayang Di Rangkang Habeh Patah Roek

Teuka Ureng Troek Hajat Geu Tuka

Kumbang Meuayang Sayang Di Neuk Joek

Hanjeut Lon Anggok  Janji Awai Na

Lon Sangka Malam Rupajih Reudoek

Mata Uroe Troek Ban Beugoeh Teuka.

Hana Lon Sangka Kanda Yue Anggok

Hate Yuep Reusok Sang Mate Rasa

Pageu Meubentang Gerbang Ka Teuroek

Ceudah Di Ipoek Sayang Ka Mala

Pakiban Lon Tueng Bayeun Yang Ban Troek

Hate Lam Luboek  Nama Di Kanda.

Hana Lee Guna Bungoeng Lon Pupoek

Uram Kabeh Broek Soe Jaga Hana

Hancoe Harapan Tan Lee Meu Beeok

Gaseh Yang Lon Joek Hana Meu Harga

Meu Ilang Gareh Puteh Dalam Lhoek

Kaye Rap Bungkoek Soe Tumpang Hana

Ka Gadoeh Canden Denden Bak Ipoek

Mala Teuka Troek Meu Salop Luka

Nyak Cut 

 Awan Meutumpok Reudok Supot Klam

Di Langet Manyang Bintang Nyum Reude

Seuhingga Cahya Purnama Padam

Seungu Meunjulang Peuneurang Laye

Cuma Deuh Siat Kilat Gurindam

Lheuh Nyan Seuakan Dipeulham Wate

Lam Siat Teukhem Meuireng Malang

Meugantoe Keusan Seudeh Meurande

Meuratap Jioh Tuboh Teutamban

Lara Prasaan Insan Lam Jure

Sampoe Ie Mata Meuhala Kuyan

Jile Meugram Gram Meulanggam Teuple

Rasa Lam Baten Meusyen Teugulam

Rindu Seuakan Meuayang Tipe

Hajat Peunyuloh Goh Troh Teu Idam

Meulaen Kumbang Yang Tueng Peulale

Kaweh Prasangka Ubena Beuban

Piyoh Hai Angan Reunungan Beu Bre

Jaga Hai Lumpoe Awoe Pikeran

Bek Sampe Tumbang Badan Jeut Lape

Teubit Sang Buleun Bak Leun Peuneurang

Mangat Deuh Bintang Kunang Seuribe

Reudok Kapeusom Peugom Kapeutrang

Ujeun Peupulang Kahadang Bade

Yahwa Muda

Alah Hay Abue Loen Neuk Tanyoeng

Meuhi Meu Kenong Deuh Bak Mata

Hajat Lam Hate Taloe Meu Seumong

Jinoe Sinyak Ainon Kana Yang Tanda

Hasrat Di Hate Keunan Loen Tamoeng

Leumah Di Bungong Ceudah Ngon Rupa

Maksud Keu Haba Talo Meu Seumong

Lintoe Dex Ainon Peujeud Papy Muda II

Keu Soal Harta Meubek Abu Tanyoeng

Limong Lumo Inong 7 Kameng Yang Dara

Waroeng Di Amplah Siblah Roet Tunong

Jeulame Nyak Ainon Punoh Aso Kamba

Nibak Blang Abue Lagak That Umoeng

Bit Bit Meu Keunong Ateung Cukop Raya

Keubit Meu Hambo Nyoe Pah Keunoeng

Pade Buleun Limong Perde Punoh Banja

Meunyo Bit Neutung Loen Neu Terimoeng

Nibak Buleun Limong Seulangke Meuba

Haba Peu Putoh Mahar Padum Kenoeng

Asai Sinyak Ainon Bek Karna Terpaksa

Lheuh Akad Nikah Hadiah Abue Trimong

Umoeng Nyak Ainon Dengan Saboh Innova

Meunyoe Sama Setuju Bagah Abu Tanyong

Tanyoe Meu Semong Sambong Talo Sodara

Papy Muda II

 Miseuë Nahu Jeuët Keu-Ikah

Bet Alfiah Ci Ka Hafal

Kadang Hayeuë Kameu-Olah

Ci Kasurah Bab Isytigal

Miseuë Hayeuë Bayaniyyah

Isti'Arah Ci Peugah Hal 

Mantek Miseuë Hana Susah

Ci Ka Syarah Surah Jadal

Kadang Tauhid Kakheun Mudah

Ci Kapeupah Dali 'Akal

Cuba Ato Dum Qadhiah

Neuci Ruwah Dumna Syakal

Nyoe Ka Ngaku Ahli Fiqah

Kiban Nikah Baro Halal 

Nyo Muzharat Teuset Lidah

Peukeuh Ek Sah Talieh Kadal

Nyoe Tasawof Ka Meugapah

Woe Bak Allah Pukeuh Bekal 

Pue Hakikat Geubri Nafah

Ci Neusurah Lipeh Tebal

Miseuë Hadis Rasulullah

Jeuët Kapilah Dipat Asal

Kiban Hadis Yang Shahihah

Kiban Nisbah Hadis Mursal

 Ngen Bismilah Teuhah Rika

Bak Phon Mula Dalam Mideun

Berkat Kalam Sang Pujangga 

Teuhah Dada Mandum Ureung

Dalam Rawi Lonci Cuba

Lam Media Lon Meujangeun

Moga Beujeut Ke Peunawa 

Ke Fanz Rika Yg Na Lam Seung

Moga Beugoet Jitron Tinta

Daweut Pena Beu Meu Brum-Brum

Urat Ulèe Beukeuh Teuga

Beu Jiputa Geudham Geudhum

Padum Katrep Bak Ta Mita 

Ta Useuha Hana Kureung

Kadang Ringget Tajak Puga

U Malaya Keudeh Ta Plung

Nayang Meukat Ngôn Meu Lada

Deuh Bak Nyata Dari Jameun

Bak Ta Pike Ke Beulanja 

Lam Uroe Kha Ta Meu Neuheun

Kadang Pade Tajak Pula 

Lam Blang Raya Ta Theun Ujeun 

Hana Leumoh Dak Teunaga

Seumangat Na Hantom Kureung

Nayang Ladom Yg That Gura

'Oh Ta Kira Bit Meu Ta'Eun

Bak Geu Pike Keu Hareuta

Bak Musalla Han Geu Diyeung

Luhoe Suboh Mugrep 'Asa

Sabe Lupa Jaroe Geu Leung

Hantöm Sujut Ke Rabbana

Bit Beulaga Nyan Peukateun

Cukop Sayang Hai Saudara 

Sia-Sia Yang Ta Gareung

Nyoë I-Badat Tanyoe Lupa

Hana Guna Wahe Aduen

'Ohtee Mate Putra Taba?

Ngen Logika Neuci Penyuem

Rumoh Geudong Yg Meubanja

Dalam Donya Tinggai Mandum

Jinoe Rap Trok Idul Adha

Karap Masa Tamong Buleun

Mari Tanyoe Sama Sama

Yak Hai Apa Ta Keureubeun

Untuk Beukai Singoh Lusa 

Tukang Bela Apui Se-Uem

Tukang Tulong Lam Nuraka

Neupet Mata Neuci Reunung

Pulom Dilee Yoh Di Donya 

Ta Meuzina Hana Kureung

Sabe Lalòe Lam But Dosa

Hura Hura Senyum Senyum

"Dosa" " Hatee" Sifeut Riya

Gop Yg Jaya Tanyo Hireun

Seunang Hate Gop Sengsara

Teukhem Haha Gop Teugageung

Contoh Laen Ulon Peu Kra

Dosa "Mata" Bak Ta Meu Luëm

Tatem Jingeuk Inong Janda 

Gunong Raya Bak Kak Hanum

"Dosa" Jaroe Bak Meuraba

Dalam Boh Pha Tajeut Surung

Ta Teujeut Mat Pupu Yang Na

Bak Si Dara Yang Meu Balum

Yang That Sereng Aneuk Muda 

Agam Buya Di Dalam Krung

Syit Ka Adat Bak Meu Cinta

Meunan Cara Dum Peukateun

Menyoe Ulon Ka Biasa

Sekil Dewa Dalam Ruweung

Syit Bak Jaroe Yg Brat "Dosa"

Wap Ku Raba Lam Bruk Udeung

"Dosa" "Tubôh " Ta Meuzina

Gamet Nuga Salah Suleung

Golom Nikah Ka Ta Hila

Bada Bada Ju Ta Kaleung

"Dosa" Babah Pajoh "Riba" 

Prut Teuh Raya Lagee Beukum

Hantöm Pernah Ta Peuguna

Zikir Do'A Hantom Ta Kheun

Pulom Seureung Bak Narkoba

Piep Piep Ganja Silang Ruhung

Neupreh Keuh Nyan Saboh Masa

Babah Gata Geusak Seukeum

Nyoë Ta Atoe Ke Bhah "Dosa" 

Baet Rika Han Ek Bileung

Bit Cukop Jai Hai Pemirsa

Maka Hana Ku Plôh Mandum

Inti Pokok Pembiraca

Maksud Haba Beu Neupenyuem

Persiapan Alam "Baka"

Taci Kira Bacut Adun

Pakiban Keuh Keunong Siksa 

Amai Hana Meu Ubé Preun

Mari Jinoe Hai Syehkhuna

Sama Sama Ta Keureubeun

Kon Han Rugoe Nibak Kada.?

Yuek Hareuta Bacut Kureung

Beu Neu Galak Ke Pahala 

Lam Nuraka Mangat Geu Rhung

Kendaraan Padang Mahsya

Tamse Honda Di Dalam Seung

Uroe Tutong Payong Hana

Ci Neu Kira Dumna Seu-Um..?

Nyoë Seudekah Tôm Pula

Saboh "Unta" Tatem Kerbeun

Tentèë Mangat Hai Fanz Rika 

Na Kendara Untuk Ta Plung

Syit Bagah Trok Bak "Arena"

Lam Syiruga Ju Geu Sunyung

Hana Azeup Keunong Tampa 

Menyoe Hana Pubut Ta-Eun

Dalam Hate Beu Gleh Jiwa

Ngat Bek Sama Ngen Fireu-Un

Tanyoe Hudep Alam Fana

Dalam Donya Cuma Si Jeum

Singgoh Sideh Keukal Baqa

Lam "Syiruga" Peutupat Rung

Tinggai Eh Eh Rirex Ajhaa 

Pu Yg Hawa Syit Trok Mandum

Aneuk Tiong Dicong Bara

Aneuk Naga Dalam Umpung

Eit Noe Rinteh Ka Meumada.

Rap Lhèë Dupa Bak Long Rangkum

Meah Wareh Pat Na Gasa

Si Nyak Janaa Bek Neu Kaleung.

Maklum Dilon Si Pemula

Adak Rupa Manteng That Luen

Manteng Sah Kheun Sinyak Tk

Yang Mee Haba Peu Jungkat Keung

Maka Harap Bek Neu Cela

Pat Yang Cupa Asöe Jangeun

Sar Janaa Muda

 Meusireuk Seunja Meutuka Malam

Gadoeh Geumilang Cahya Jeureulah

Hanatrep Sampoe Bumoe Seupoet Klam

Dilanget Manyang Buleun Pih Leumah

Walau Pih Cahya Hansama Bandrang

Hukom Bak Alam Pane Sabe Drah

Namun Seulingka Mata Meumandang

Han Gadoeh Bayang Nuansa Indah

Meubareh Sajak Tapak Sampiran

Nyan Keu Tamsilan Asoe Lam Madah

Baroe Le Jinoe Rampoe Ta Peutrang

Pue Keuh Tujuan Yang Heut Meupeugah

Seun Seun Si Uroe Imawoe Keumang

Bak Cabeung Manyang Leuhu Meurekah

Meu Ula Ili Meu Antri Kumbang

Bungoeng Bak Karang Meureupah Reupah

Meunan Keuh Sare Lahe Pandangan

Lam Kehidupan Sijeut Jeut Saah

Pat Yang Na Dara Jeulita Ruman

Rame Troeh Agam Meutangah Tangah

Kiban Gob Laen Canden Di Idam

Di Uloen Tuan Pih Na Syit Pernah

Meulomba Lomba Puga Harapan

Bak Sidroe Insan Peuneujeut Allah

Phon That Meuturi Di Darussalam

Watei Meuseulang Katrep Ka Leupah

Sigoeh Seurambi Tsunami Guncang

Ulon Keunalan Ngon Dek Habibah

Kon Karna Tari Bodi Jih Reumbang

Kon Wab Pakaian Yang Dingui Mewah

Tapi Loen Peutoe Cut Putroe Intan

Chit Kebetulan Karna Musibah

Karna Gob Tiyeup Teucrup Bak Jalan

Teu Adei Hinan Honda Jih Rubah

Lah Na Kubantu Cut Mulu Seudang

Dap Meudeh Kadang Jih Chit Ka Keumah

Hinan Muara Silaksa Sayang

Meu Angan Angan Ngon Tuloeh Ikhlah

Gaseh Meupateng Ban Lumbeng Sunsang

Lam Hate Sansang Meu Pacak Sep Pah

Uroe Keu Uroe Lumpoe Peuwayang

Puncak Hayalan Meusyen Meutamah

Bak Teubang Teubeb Saket Meupeundam

Dum Peurasaan Karoeh Meucurah

Hinan Keuh Mula Teuka Bubayang

Jantong Nyum Reukam Meulangoe Darah

Dara Lon Pujoe Putroe Kayangan

Rupajih Rakan Kagop Koh Bintah

Bit Han Meusangka Gura Bukon Ban

Pakon Lagei Nyan Oeh Dek Habibah

Madu Yang Meuba Tuba Tapulang

Kob That Brat Keujam E Dek Lagoe Kah

Namun Bah Reule Meulinde Alang

Ata Ka Meunan Han Pat Le Ilah

Walau Pih Tamoe Droe Chit Yang Korban

Oeh Reumoek Reudam Droeteuh Yang Sosah

Meukarna Talo Judoe Gop Reupang

Lam Leubok Deundam Ban Busur Panah

Meumita Cara Kada Balasan

Dubena Keusan Ngat Rijang Musnah

Gayong Meusambot Pah Lheuh Rhoet Pingan

Untoeng Watei Nyan Tan Meusipak Glah

Beuthat Gop Sunteng Canden Rupawan

Target Tembakan Sang Jeut Tapinah

Beuthat Han Sama Pawana Bintang

Beuthat Han Saban Ngon Buleun Peut Blah

Beuthat Pih Janda Nyata Kon Mayang

Oeh Tabandengkan Siblah Dua Blah

Meuka Raseuki Chit Meuri Langgam

Asai Bek Goyang Seumangat Patah

Ata Katajak Tapak Ka Rincam

Payah Tareugam Dak Buloeh Bicah

Aneuk Deungon Ma Rupa Rap Imbang

Sama Meunawan Bandua Ceudah

Beda Mustahak Bak Pengalaman

Calon Mak Tuan Pih Sang Boleh Lah

Papy Muda II

 Sayang That Pade Tangke Kapatah.

Tengoh Goet Tunah Ka Keunôeng Hama

Seumenjak Tan Lé Almarhum Ayah

Hudep Lon Susah Dua Ngen Poma

Tiep Uroe Sabe Hate Lon Gundah

Ke Hal Nafakah Soe Tangong Hana

Ie Mata Banjé Sabe Lon Ruwah

Tinggat Ke Ayah Tan Le Di Mata

Umu Lapan Thon U-Lon Geukubah

Geubeu'Oet Langkah Di Alam Fana

Ka Meunan Janji Geubri Le Allah

Ka 'Oh Nan Batah Hudep Lam Donya

Hudep Lon Peudeh Seudeh Meulempah

Meu Ke Breuh Mirah Han Eik Lon Peuna

Dak Lon Keurija Pih Hana Keumah

Han Sep Rupiah Untuk Beulanja

'Oh Uroe Raya Mata Meu Darah

Meu Keu Sie Gapah Hana Soe Kira

Dak Lon Pajoh Bu Meujampu Kuwah.

Kareng Teu Plah Plah Lawoek Ngen Sira

Aneuh Tuloe Breuh Ateuh Bak Panah

Pucoek Tring Reubah U Dalam Paya

Ka Meunan Nasip Neu Bri Le Allah

Hudep Lon Sosah Di Dalam Donya

Digop Yg Laen Jikhem Meu-Hah-Hah

Seunang Meulempah 'Oh Uroe Raya

Na Pat Jilakee Bajee Yang Mewah

Na Pat Ji Peugah Putra Yang Hawa

Seudangkan Dilon Jantong Sang Bicah

Ngen Mata Mirah Tangong Deurita 

Cuma Yang Na Jeut Paleut Lon Tadah

Keudeh Bak Allah Lon Lakèë Do'A

Ohya Tuhan Ku Yang Maha Kudrah

Neubri Yang Allah Beu Èk Lon Saba

Beu Èk Lon Tangong Mandum Masalah

Neubri Beu Mudah Raseuki Hamba

'Oh Noe Keuh Dilèë Ritèe Lam Madah

Ngen Hate Gundah U-Lon Meurika

Meah Lon Lakèë Guree Meutuwah

Ka Rhoh Meu Peugah Asoe Lam Dada

Sar Janaa Muda

 Riyeuk Angen Pot Oh Kabot Seunja

Ombak Samudra Bicah Lhe Sagoe

Meulang Lang Jioh Keunayoh Betra

Hanpat Le Gisa Nahkoda Neuk Woe

Jioh Teuraseng Meutabeng Luka

Sidroe Lam Lara Kiban Cut Putroe

Tuboh Ka Saket Lilet Anggota

Teutik Lam Tika Ateuh Seuramoe

Kiban Ta Paban Sajan Neuk Teuka

Kiban Ta Lupa Kasep Teuhiroe

Sunggoh Teu Rihon Meuthon Han Mala

Kana Lam Dada Kajeut Keu Asoe

Meusyen Ngon Rindu Pilu Keucewa

Goh Troh Lon Teuka Saweu Jak Siboe

Lam Angan Harap Beu Rap Peunawa

Na Keuh Kakanda Di Sampeng Adoe

Yang Bri Seumangat Beusehat Jeumpa

Seugoh Tagisa Izin Tajak Woe

Teureugam Jaroe Mawoe Istana

Sampoh Ie Mata Heut Lon Com Bak Dhoe

Sayang Meutuwah Misbah Meubahgia

Sabe Dek Doa Ulon Peusampoe

Moga Lam Rahmat Seulamat Dinda

Hudep Seujahtra Geulindong Le Poe

Yahwa Muda

 Peunulang Tujo'h Sampo'h Angen Blang 

Dudoe Meu Layang Teuka Angen Gle 

Janji Ngon Gata Cuba Lon Peu Trang 

Si Buju Reuntang Hudep Ngon Mate

Keu Saboh Bukti Dali Meu Teuntang 

Angan Keu Jampang Bek Sampoe Ji Le 

Gata Laksana Seulanga Keumang

Haro'm Peuneunang Meu Sa'p Lam Hate

Maka Di Sinoe Meuk Suboe Reupang 

Gaseh Di Ambang Meu Puja Sare 

Akan Bak Masa Tanda Teu Pasang 

Bungong Si Karang Meu Bek Duro'h Le

Rinteh Rimba Brat Meu Hat Keu Pawang 

Peugot Keu Pancang Kiban Kheun Hate 

Meunan Syit Tanyoe Jinoe Ta Labang 

Gaseh Ngon Sayang Beu Padu Sabe

Siap Le Adoe Suboe Peuneurang 

Kiban Ta Rancang Wahai Srikande 

Pue Keuh Ka Leumah Seulah Lam Bayang 

Hudep Ta Jeunjang Yang Kon Meu Rawe

Juhardi Jaya

Riwang Poe Tuleueng Jareueng Jinoe Deuh

Supot Ngon Peungeuh Leh Pat Ji Meusom

Maka Lon Seubot Atot Seuneulheueh.

Turot Keu Inseueh Peukara Nhan Tom

Hoe Ka Nyak Riwang Rijang Lon Tuweueh

Miyup Ngon Ateueh Sabe Meujak Dom

Piasan Gata Gura That Ceuebeuh

Seulingka Careueh Punca Leumah Lom

Ingat Keuh Masa Tanda Lhee Gapeueh

Kisah Ta Kireueh Ujong Seuneulhom

Peunulang Makna Seunja Intan Weueh

Keunoe Ta Rijeueh Alee Seuneumpom

Pakon Bak Akhe Hate Ta Peulheueh

Bayangan Teu Creueh Jinoe Ka Balom

Watei Ka Putoh Culoh On Beubeueh

Ka Tinggai Dum Seueh Dilei Ta Kabom

Aci Ta Pike Ngon Lahe Jujeueh

Padum Teumakeueh Nuga Tajak Rhom

Kiban Keuh Saket Ngon Phet Seunuweueh

Gaseh Ta Peulheueh Yang Got Meu Tanom

Juhardi Jaya 

 Izin Loen Tuleh Sibareh Karang

Keubungong Mancang Uloen Meujageun

Hajat Beukeuh Troh Dak Awoh Badan

Keu Gata Intan Gaseh Loen Sunyueng

Angan Beu Sampoe Mawoe Loen Reugam

Bek Na Hambatan Laen Meu Diyeung

Meu Seubab Karna Gata Nyak Lawang

Hai Putik Mamplam Geunaseh Adun

Ngoen Insya Allah Ilah Loen Peutrang

Han Akan Goyang Hate Keu Buleun

Akan Loen Jaga Seutia Sayang

Han Akan Irang Peulom Uloen Dheun

Harap Tungku Syeh Saheh Got Timang

Bak Peuek Layang Bek Putoh Beuneung

Bek Sampe Layee Peureude Kacang

Maka Loen Siram Sabe Hai Bayeun

Adak Pih Ujeun Bayeun Di Geurdhang

Teutap Loen Akan Rintagan Loen Theun

Teutap Loen Sapeh Bek Tireh Angan

Keunan Loen Riwang Dak Geumat Peudeung

Hajat Nyan Jaloe Loen Nyoe Yang Pawang

Harap That Tuan Peu Eh Lam Lumueng

Loen Mat Keumudoe Uroe Ngon Malam

Dak Sijuk Badan Kajeut Loen Ruguem

Pakiban Hai Dek Cantek Rupawan

Peu Jeut Di Abang Gidham Nyan Rinyeun

Loen Jaga Lampoh Bek Na Broh Intan

Siap Ngon Parang Uloen Sek Naleung

Aneuk Tuloe Breuh Ateuh Tualang

Subra Cem Subang Bak Bineh Umpung

Meumada Oh Noe Loen Ujoe Karang

Meuah Hai Rakan Bek Neuweng Punyung

Saiful Antara

Bak Buet Maksiet Rame Yang Galak

Hana Meu Pihak Tuha Ngoen Muda

Bak Tempat Wisata Dak Jioh Geujak

Hana Daleh Kakak Di Apa Pih Sama

Na Deungon Moto Na Ngoen Becak

Ibuk Ngoen Bapak Jak Ngon Honda

Yang Toe Rumoh Gejak Ngon Tapak

Sebab Ka Galak Hek Hana Geukira

Di Tempat Wisata Cukop Biet Lagak

Me Macam Curak Deuh Bak Media

Phon Pantai Ungu Rame Ureung Jak

Tema Gunong Salak Rame Yg Teuka

Di Pantai Terong Dile Phoen Meusak

Seubab Deuh Lagak Gamba Stori Wa

Rata Jeud Sagoe Keunan Trok Geujak

Ibuk Ngoen Bapak Meu Ba Keluarga

Di Sinyak Dara Ngoen Cowok Meujak

Pakek Baje Lagak Phang Likot Honda

Poma Ngoen Ayah Cukop That Bijak

Karna Geubi Jak Seubab Na Peu Jiba

Iman Deuh Lipeh Tire'H Ngoen Akhlak

Kepu Guna Utak Nyoe Ta Pakek Hana

Nibak Bale Beud Pakon Haneu Yujak

Peukeuh Hana Galak Ji Teupu Agama

Pajan Teingat Wahe Ibuk Ngon Bapak

Oeh Ka Geusak Badan Lam Kereunda

Hoka Di Aneuk Pakoen Keuno Tan Ijak

Meuho Keuh Lagak Tan Leumah Mata

Gaseh Ngoen Syang Bek Salah Peusak

Wahee Ibuk Bapak Bek Salah Neubina

Neu Bingbing Aneuk Punoh Ngon Ahlak

Dak Droneuh Teukeupak Naso Baca Doa

Papy Muda II