Ujeun

 Katrep Hana Jitoh Ujeun
Pah Musem Khueng Su Um Uroe
Han Kupakoe Dak Kulet Pleun
Pu Ureung Kheun Ku Iem Keudroe

Katreb Hana Kumeudiyeung
Tamong Lam Seung Langkah Keunoe
Sang Ka Leubeh Dua Buleun
Ingat Aduen Hana Tuwoe

Beukon Sombong Aneuk Keumoen
Sibok Aduen Rab Tiep Uroe
Badan Leumoh Trok Lam Tuleung
Harap Maklum But Lage Nyoe

Kabeh Kucah Mandum Uteun
Mandum Rangkeum Kupeusahoe
Keunong Duro Yg Meucabeung
Kadang Bak Keung Saket Igoe

Demi Gata Hai Cut Buleun
Rela Aduen Luka Asoe
Kadang Janji Na Peutemoen
Laba Aduen Bak Kalinyoe

Pula Sawet Lam Gle Mideun
Dalam Ruweung Taci Meugo
Ta Usaha Yang Bek Kureung
Jaro Taleung Doa Bak Poe

 

 Armiadi Yusuf