Syekh Muda Wali

 Assalamualaikom Sanjong Ulon Bi
Makanan Suci Sigampet Kurma
Rata Jeut Gampong Kunjong Meuili
Haroem That Wangi Nama Ulama

Bak Kaye Rampak Lagak Han Sakri
Sinan Pelangi Sinari Cahya
Meuso Keuh Yang Jak Labuhan Haji
Allah Ilhami Udep Bahgia

Disinan Dayah Tempat Mengaji
Murid Ngon Santri Ilme Agama
Rame Ulama Yang Ahli Sufi
Yang Beut Bak Wali Para Syuhada

Daerah Aceh Tanoh Seurambi
Indah Han Sakri Nanggroe Pusaka
Bereukat Doa Na Para Wali
Aceh Nyo Neubi Aman Sentosa

Bek Sampe Reuloh Teuboh Ngon Hanyi
Nanggroe Yang Suci Bek Neubi Cuca
Budaya Luwa Yang Kon Islami
Geutanyo Akhi Bek Na Teugoda

Hati Beuteudoh Sunggoh Tapuji
Keupada Ahli Alem Ulama
Karena Sabda Ngon Hadist Nabi
Ulama Neubi Wareh Ambiya

Jipot Angen Gle Suwe U Pasi
Jaroe Lon Henti Meukarang Haba
Dengon Wassalam Lambai Ulon Bi
Idin Neuberi Ulon Jak Gisa

Kadang Na Salah Han Pah Teu Saji
Bungkoh Keulawi Meutuka Tuka
Bek Segan Segan Tulong Koreksi
Maklum Hai Akhie Hana Sengaja

Tanyo Meulake Bak Po Yarabbi
Harapan Geubri Udep Bahgia
Semoga Sajan Ngon Para Wali
Oh Trok Bak Janji Dalam Syuruga

 

Armiadi Yusuf