Janji Meupaleng

 Keuheundak Bak Poe Mawoe Pucok Bi
Nyoe Keuh Teukeudi Janji Meu Paleng
Gaseh Yang Awai Lafai Ro'et Blah Wie
Jinoe Deuh Dali Patah Bak Pateng

Meukoen Loen Tulak Tabak Yang Tabri
Koen Cit Hai Dekti Sayang Hoe Laen
Meu Seubab Karna Nyata Ka Meuri
Awai Gop Yang Bi Ija Seunalen

Bah Keuh Loen Gisa Bungka Ba Janji
Meuwab Teu Geuti Rasa Meu Nganceng
Neurhok Ka Geutop Teukhop Boh Gunci
Han Jeut Abang Di Gata Neuk Sunteng

Adak Pih Teuka Lam Mata Meu Ie
Teu Ingat Janji Awai Tanyoe Rheng
Leukang Dum Gaseh Puteh Teu Hali
Yang Awai Tabri Jinoe Ka Sumbeng

Pakon Keuh Jinoe Meunoe Teu Puti
Ban Mandum Bukti Gadoh Hai Canden
Rugoe Loen Papah Teulah Kon Benci
Adoe Ingkari Yang Tanyoe Jalen

Kaseb Meu Mada Rika Loen Rawi
Kisah Yang Lawi Keunoe Loen Posteng
Meupat Na Salah Meu'ah Beu Neubri
Meukra Teu Saji Meu Gidham Baten

Ateuh Bak Panah Siwah Meunari
Ateuh Bak Punti Aneuk Peureuleng
Izin Antara Syahra Boet Gaki
Keudeh U Sigli Janda Keureuleng

 

 Saiful Antara