Hijrah

Awan Meusalop Lam Seupot Buta
Lam Awan Sukla Buleun Jiteubiet
Bunoe Lon Kawot Jinoe Lon Sapa
Tuha Ngon Muda Serta Aneuk Miet

Assalamu'Alaikom Mula Fon Haba
Punca Cerita Awai Lon Mariet
Dile Manusia Dalam Syuruga
Adam Ngon Hawa Disinan Leukiet

Karena Dausa Hana Sengaja
Boh Kaye Rasa Bacut Geu Cutiet
Wap Keunong Goda Iblih Celaka
Udep Sengsara Ka Morat Mariet

Sinan Kheuh Mula Allah Pih Murka
Keunoe Udonya Ka Geu Peu Teubiet
Segala Macam Geu Yu Usaha
Taubat Nasuha Teukliek Menjeriet

Harap Beu Ampon Segala Dausa
Beu Meuah Sigra Raya Ngon Ubiet
Supaya Singoh Oh Akhe Masa
Dalam Syuruga Sabe Ta Kumiet

Sinoe Lam Donya Seukejab Saja
Udep Semata Bek Sampoe Leukiet
Ta Mita Amai Sereuta Fahala
Bek Le Teugoda Deungon Buet Maksiet

Armiadi Yusuf