Durhaka

Jeut Tacok Situk,Peuduk Di Muka
Alahai Dara Si Rimueng Antoek
Jeut Taeu Gaya Nyoenya Cita Ta
Rumoeh Dhuafa Istana Luboek

Meuyum Siluweu Gareh Ceu Juta
Meuhai Meubura Beken Oeh Tasoek
Oeh Ban Ta Cek Cek Tilek Saudara
Bak Ayah Poma Yuem Publoe Ijoek

Meunyoe Han Geubi Teubli Hu Mata
Aneuk Durhaka Chit Allah Kutoek
Ayah Tung Upah Payah Geumitaa
Khusus Keu Gata Dara Kuroek-Kuroek

Patoet Keuh Tari Bibi Meuwarna
Soerkarnoe Hatta Di Tas Kameusoek
Ta Ek L300 Meureuoeh Gataa
Beu Ngen Avanza Taduk Meutumpoek

Nyoe Nyan Peurangui Buleun Cahaya
Sampoe Oeh Tuha Lakoe Jitumboek
Dup Ayah Poma Peujra Meumasa
Puloem Ngen Cinta Tan Laen Kujoek

Gaseh Mak Ayah Meutuah Dara
Hana Deuh Peusa Ngen Laen Atoek
Pakoen Ta Siai Tan Sang Bahagia
Sabe Tapeujra Dada Ka Tumboek

Tan Kameulake Taseumee Doaa
Geuwoe Keurijaa Hantoem Ka Gusoek
Malah Katindeh Ta Payeh Geundra
Paleh Ceulaka Lagenyan Neuk Oek

Lahu Alvano