Seulamat Bahgia

 Peungeuh Lam Seupoet 'oh Tatoet Lilen
Panyôt Seurungkeng Talhat Bak Bintéh
Dilèë Yoh Masa Gohlom Na Musem
Meunan Keuh Lazem Jameun Uroe Jéh

Si Baet Rika Saja Lôn Posteng
Ritèe Teu Salen Kop Goet Teulukéh
Ngön Haté Seunang Nazam Ulôn Weng
Poto Prawedeng Saja Lôn Tindéh

Kata Seulamat Lôn Lhat Bak Pateng
Keu Bungong Areng Nyang Kulet Putéh
Moga Bahgia Hai Dara Linteng
Deungön Peudampeng Nyang Ka Geu Piléh

Beusabé Lam Jröh Lam Saböh Tabeng
Lahé Ngön Baten Ka Sah Sapat Éh
Lam Rumôh Tangga Bek Na Nyang Sumbeng
Beu Sabé Saleng Gaséh Geumaséh

U-Lôn Ka Rela Dada Teu Cayeng
Teu Seuheh Lôn Khem Hana Lé Seudêh
Beuthat Ie Mata Jilé Meu Leng Leng
Jinoe Lôn Paleng Bak Laen Gadéh

Meunan Syiet Bangön Keu Ngön Si Dindeng
Nyang Dilèë Kayem Ta Balah Rintéh
Hana Lôn Tuan Dendam Meulusen
Beuthat Ta Sayeng Tajak Koh Lipéh

Allah Nyang Ato Judo Geukirem
Ka Meunan Mungken Nibak Geunaréh
U-Lôn Geuteugah Suwah Tigön Rhem
Teutap Payah Tem Han Jeut Lôn Langgéh

Tok Tok Beuragoë Jipoë U Landeng
Jiklik Darut Kleng Dicông Bak Manggéh
Han Jeut Lôn Sambông Pantôn U-Lôn Rheng
Ka Sengkat Baten Bak Lôn Teumuléh

Putra Acèh Jeumpa